
1-avgust kúni Qaraqalpaqstan Respublikası Nókis qalasında ornalasqan "Muhammad ibn Ahmad al-Beruniy" atındaǵı orta arnawlı islam bilim jurtında kiriw imtixanı baslandı. Usı oray joqarı hám orta arnawlı diniy bilimlendiriw mekemelerine 2024-2025 oqıw jılı ushın kiriw imtixanları ótkeriletuǵın 6 aymaqtıń birinshisi bolıp sanaladı.
Bul jerde abiturientler hám olardıń ata-anaları ushında barlıq zárúr sharayatlar jaratılǵan.
Imtixan baslanıwdan aldın ótkerilgen ilajda Ózbekstan musılmanlar basqarması Tálim hám ilim-izertlew bólimi baslıǵı Solihiddin Sherxanov, Din isleri boyınsha shólkeminiń juwaplı xızmetkeri Elyor Alimqulov, Qaraqalpaqstan musılmanları qazısı Baxramaddin Razov, bilim jurtı direktorı Jalalatdin Abdirazakov, taraw qánigeleri, oqıtıwshı-ustazlar, ata-analar hám abiturientler qatnastı.
Quranı káriym tiláwatı menen baslanǵan máresimde sózge shıqqanlar elimizde diniy tálim tarawına qaratılıp atırǵan itibar haqqında aytıp ótiwi menen birge sonıń qatarında imtixan haqqında abiturientlerge tolıq túsinik hám usınıslar berip ótti.
Bul processti taraw wákilleri hám sheriklik shólkem wákillerinen ibarat baqlawshılar qadaǵalap bardı.
✍Bilim jurtı baspasóz xızmeti
Bizdi sociallıq tarmaqlarda baqlap barıń!
🧿alberuniy.uz 🟥youtube
🌐instagram 🌐facebook
Kanalǵa aǵza bolıwdı umıtpań!
✈️alberuniyuz