Muallifning asl ismi:

 Termiziy Abu Iso (arabcha: ترمزي أبو عيسى — Termiziy Abu Iso — Toʻliq ismi: Abu Iso Muhammad ibn Iso ibn Savra ibn Muso ibn Zahhoq Sullamiy Zariyr Bug‘iy Termiziy) — muhaddis faqiyh va hofizdir

Shamoili Muhammadiya asarining jamiyatimizdagi o’rni:

Imom Termiziyning “Shamoili Muhammadiya”  kitoblari islom olamida eng ko’p tarqalgan kitoblardan biri hisoblanadi. Ushbu kitob Nabiy sollallohu alayhi vasallamning shamoillari borasida yozilgan eng ulug‘ va foydali manba hisoblanadi. Imom at-Termiziy ushbu kitobda mavzuning asl chashmasi, duru gavharlari va barcha qirralarini keltirib, chiroyli uslubda tartibga solgan va muxtasar holda jamlagan. 

Ushbu asarni mazmun-mohiyatiga ko‘ra ikki asosiy qismga bo‘lish mumkin. Birinchi qismga mansub hadislar payg‘ambar alayhissalomning suvrat (tashqi qiyofa)lariga bag‘ishlangan. Bularga ko‘ra payg‘ambarimiz novcha ham, pakana ham bo‘lmay, balki o‘rta bo’yli, yag‘rindor, qo‘llari bo‘lali, go‘shtdor va doimo jun bilan qoplangan, kaftlari bo‘liq, qirg‘iyburun, peshonalari keng, ko‘zlari katta-katta bir zot bo‘lgan. Asarning ikkinchi qismida keltirilgan hadisi shariflar esa payg‘ambar alayhissalomning siyratlari, ichki dunyolari va axloqiy fazilatlarini bayon qiladi.

Bu kitobni o‘qigan kishi U janobning tashqi ko‘rinishini ko‘rgandek va har bobda U zotning sharafli xislatlarini tasavvur qiladi. Kitobning yaxshiliklari, foydalari va samaralari haqida ko‘p naqllar rivoyat qilingan. Shuningdek, oldin ham, keyinchalik ham ahli ilmlar tomonidan bu kitobga xizmat qilish maqsadida muxtasar, sharh, tahqiq qilish va nazmga solish kabi turli yo‘nalishlarda katta mehnatlar amalga oshirildi

Yurtimizda Imom Muhammad Iso Termiziyning “Shamoili Muhammadiya” asariga yurtimizdagi e’tibor.

Hazrati Imom Abu Iyso Muhammad at-Termiziyning “Shamoili Muhammadiyya” tasnifi jahon tarixidagi benazir va mumtoz asarlardandir. Asarni ilk marta turkiy-oʻzbek tiliga Shayx Husomuddin Naqshbandiy, soʻng ulugʻ vatandoshimiz, ulkan shayx, alloma va shoir Sayyid Mahmud Toroziy — Oltinxon Toʻra tarjima qilganlar. Asar oshkoralik va mustaqillik zamonida Toshkentda bir necha marta nashr etilgan.

   Asar hozirgi oʻzbek tiliga muvofiqlashtirib qayta nashrga tayyorlandi, Bayrut Lubnon nashridagi arabiy asliyatga moslab raqamlab chiqildi, mutarjim tark etgan baʼzi matnlar kiritildi, ayrim oʻrinlarga zaruriy sharh va izohlar ilova etildi. Maqsad, bugungi kitobxonni jahon ahliga ibrat boʻladigan eng asliy va goʻzal xislatlar tavsifidan bahramand etishdir. Ushbu mo’tabar kitob o’quvchilarga tushinarli tarzda ommaga qayta qayta nashrlar orqali taqdim qilib kelinmoqda.

Muhammad ibn Ahmad ibn al-Beruniy o’rta maxsus islom bilim yurti o’qituvchisi S.Jiyemuratov