Бүгин 28-август күни «Кўкалдош» орта арнаўлы ислам билим журтында Өзбекстан мусылманлары басқармасы жанындағы Жоқары ҳәм орта арнаўлы диний билим журтлары басшылары қатнасыўында семинар болып өтти.
Семинарда барлық диний билим журтлары басшылары қатары Муҳаммад ибн Аҳмад ал-Беруний орта арнаўлы ислам билим журты директоры Ж.Абдиразаков қатнасты.
Бул семинар Қураны кәрийм тиләўаты ҳәм қайырлы дуўалар менен басланды соң 2024-2025 оқыў жылында диний билим журтларында тәлимниң сыпатын жәнеде асырыў, педагог-оқытыўшыларды илимий-изертлеў жумысларына кеңнен қамтыў бойынша Өзбекстан мусылманлары басқармасы баслығы орынбасары М.Мухаммадсидиков, Жоқары ҳәм орта арнаўлы диний билим журтларының басшы-кадрлар ҳәм педагог-оқытыўшыларын аттестациядан өткериўин жоқары дәрежеде шөлкемлестирилиўин, орта арнаўлы ислам билим журтлары оқыў режесине жаңа киргизилген пәнлер ҳаққында Өзбекстан мусылманлары басқармасы Тәлим ҳәм илимий-изертлеў бөлими баслығы С.Шерхонов сөзге шықты.
Сондай-ақ, 2024-2025 оқыў жылының екинши семестр жуўмақлары, талаба ҳәм педагог-оқытыўшыларға қолай шәрт-шараятлар жаратыў бойынша алып барылып атырған жумыслар  есапланып, тийисли усыныслар берилди. Жоқары ҳәм орта арнаўлы диний билим журтларында 2024-2025 оқыў жылы ушын төлем-контракт муғдарын белгилеў, талабалар стипендиясы, педагог-оқытыўшы ҳәм де хызметкерлердиң айлық ис хақыларын асырыў мәселелери көрип шығылды.
Семинар дәстүри соңында, билим журтлары басшылары тәрепинен 2023-2024 оқыў жылы жуўмақлары, бар болған машқалалар ҳәм оларды сапластырыў бойынша усыныслар ҳәмде 2024-2025 оқыў жылына таярлық барыслары хаққында есабатлар берилди.
Семинар 2023-2024 оқыў жылында ерискен жетискенликлер, әмелге асырылған жумыслар ҳәмде жол қойылған кемшиликлер айтып өтилди ҳәмде жаңа 2024-2025 оқыў жылында әмелге  асырылатуғын жумыслар менен режелер додаланды.

Билим журты баспасөз хызмети