"MUHAMMAD IBN AHMAD AL-BERUNIY” ORTA ARNAWLĺ ISLAM BILIM JURTĺ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eǹ zamanagóy oqıw quralları menen támiyinlengen oqıw xanaları, málimleme-resurs orayı, taháratxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı káriym hám tájwiyd” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları basqarmasınıń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy ornina- orta arnawlı islam bilim jurtında 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıǹ málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli taǹlawlarda qatnasıp joqarı orınlardı iyelep kelmekte.

«Birden-bir olimpiada — 2024» jeńimpazları anıqlandı

🔵Ózbekstan musılmanları basqarmasınıń Tálim hám ilimiy-izertlew bólimi tárepinen hár jılı respublikadaǵı orta arnawlı islam bilim beriw jurtlarınıń pitkeriwshi kurs talabaları ortasında “Birden-bir olimpiada” bilimler bellesiwi ótkerilip kelinbekte.
🔵Sol múnásebette usı jıldıń 21-may kúni “Birden-bir olimpiada — 2024” bilimler bellesiwiniń juwmaqlawshı respublika basqıshı Imam Buxarıy atındaǵı Tashkent islam institutında bolıp ótti. Onda 10 orta arnawlı islam bilim beriw jurtları kesiminde birinshilikti qolǵan kirgizgen talabalar qatnastı.

🔵Qızǵın tárizde ótkerilgen tańlaw nátiyjeleri tómendegishe:
🥇-orındı “Muhammad ibn Ahmad al-Beruniy” orta arnawlı islam bilim jurtı talabası Najimatdinov Muxammatdin Najimatdin ulı qolǵa kirgizdi. Ol “Vaqf” qayırqomlıq jámiyetlik fondı grantı tiykarında joqarı diniy bilimlendiriw shólkemine konkurssız oqıwǵa kiriw, Ózbekstan musılmanları basqarmasınıń birinshi dárejeli diplom hám 7 million sum pul hám xoshametlew sıylıǵı iyesine aylandı ;
🥈-orındı “Mir Arab” orta arnawlı islam bilim jurtı talabası Abdubannaev Yahyoxon A’zamjon ulı joqarı diniy bilim beriw shólkemine oqıwǵa kiriwi ushın imtixan nátiyjeleri boyınsha ózi toplaǵan balldıń 50 procenti muǵdarında qosımsha ball qosıp beriw jeńilligi, Ózbekstan musılmanları basqarmasınıń ekinshi dárejeli diplom hám 5 million sum pul sıylıǵın qolǵa kirgizdi;
🥉-orındı “Ko’kaldosh” orta arnawlı islam bilim jurtı Abdujaliliy Komiljon Abduxalil ulı joqarı diniy bilim beriw shólkemine oqıwǵa kiriwi ushın imtixan nátiyjeleri boyınsha ózi toplaǵan balldıń 25 procenti muǵdarında qosımsha ball qosıp beriw jeńilligi, Ózbekstan musılmanları basqarmasınıń úshinshi dárejeli diplom hám 5 million sum pul sıylıǵı menen xoshametlendi.
🔵Sonıń menen birge, II hám III-orındı iyelegen qatnasıwshılar oqıwǵa kirgen jaǵdayda, bir oqıw jılı tólem-kontrakt pullarınıń 50 procent muǵdarı “Vaqf” qayırqomlıq jámiyetlik fondı tárepinen qaplap beriledi.
🔵Tańlawdıń basqa qatnasıwshılarına da qımbat bahalı sıylıqlar hám húrmet jarlıqlar tapsırıldı.
      Allah taala olimpiada jeńimpazlarına jeńillik hám sawǵaların múbárek qılsın, ilim jolındaǵı bellesiwlerin dawamlı bolıwın nesip etsin!

👨‍💻Bilim jurtı baspasóz xızmeti