"MUHAMMAD IBN AHMAD AL-BERUNIY” ORTA ARNAWLĺ ISLAM BILIM JURTĺ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eǹ zamanagóy oqıw quralları menen támiyinlengen oqıw xanaları, málimleme-resurs orayı, taháratxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı káriym hám tájwiyd” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları basqarmasınıń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy ornina- orta arnawlı islam bilim jurtında 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıǹ málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli taǹlawlarda qatnasıp joqarı orınlardı iyelep kelmekte.

Динде ҳәдден асыў қараланған

Ислам таўҳид, яғный жалғыз Аллаҳ таалаға ибадат қылыўға шақырўшы дин болыўы менен бирге мусылманларды мудамы бирликке шақырады. Динде ҳәдден асыў, мейли ол ибадат мәселесинде болсын, ямаса өзгелер менен мәмиле қылыў мәселесинде болсын қайтарылған. Буның тийкарғы себеплериниң бири, бул нәрсе келиспеўшиликке, топарларға бөлиниўге алып келеди.

Динде ҳәдден асыўдың буннан тысқары және бир қанша жаман ақыбетлери бар. Дәслеп, бул ақыйданың бузылыўына алып келеди. Тарыйхта пайда болған Раўафиз, Хаўариж ҳәм басқа топарлардың жүзеге келиўи тийкарынан динде ҳәдден асыўының ақыбети болып табылады. Рофизийлар Пайғамбар саллаллаҳу алайҳи ўасалламнан кейин халифалыққа ҳақылы адам сыпатында Әли разияаллаҳу анҳу ҳәм оның әўладларынан басқа ҳеш кимди тән алмайды. Олар Абу Бакр ҳәм Умар ибн Хаттоб разияаллаҳу анҳумларды халифалықты Әли разияаллаҳу анҳудан күш ислетип тартып алғанлықта айыплайды.

Раўафиз – сөзликте инкар етиў, тән алмаў деген мәнилерди билдиреди.  Ҳәттеки олардың айрым топарлары Әли разияаллаҳу анҳуды Пайғамбар саллаллаҳу алайҳи ўасалламнан да жоқары қояды. Мине сол себепли олар әҳли сунна ўәл жәмәәттен шықты.

Хаўарижлар болса, керисинше, Әли разияаллаҳу анҳуды кәпирге шығарды. Нәтийжеде оған қарсы қурал көтерип, қанын төгиўди ҳадал санады.

Кейинрек, Мўътазилалар топары шығып, Аллаҳ таала ҳаққында ҳәдден асып, оның сыпатларын инкар етти. Сондай-ақ, Хаўариж ҳәм Мўътазилалар әмру маъруф (жақсылыққа шақырыў) ҳәм наҳий мункар (жаманлықтан қайтарыў) мәселесинде де ҳәдден асып, мусылманлардың имамына қарсы шығыўға жол ашып берди. Негизинде динимиздиң тәлийматларында мусылманларды басшыларға қарсы шығыўдан қайтарылған. Динимиз әзелден иртки, бузғыншылыққа қарсы гүрескен дин болып есапланады. Аллаҳ таала мусылманларды топарларға бөлиниўден қайтарып, оларды мудамы әдиллик ҳәм туўрылық жолында бирлесиўге шақырады. Аяты кәрималардың биринде «Ҳәммеңиз Аллаҳтың арқанын беккем услаң ҳәм бөлинип кетпең…» делинген. (Әли Имран сүреси, 103-аят).

Гүўасы болғанымыздай, өз-ара келиспеўшилик, ҳәр түрли ағым ҳәм топарларға бөлиниў қайсы халықтың арасында болса сол халықтың әззилеп қүшсизлениўине алып келеди екен.

Бизлер ғәрезсиз журтымызды ҳәр түрли жат идея ҳәм жаўыз күшлерден асыраўымыз ушын ҳәммемиз бирлесиўимиз керек. Бул ҳәзиргидей заман тез пәт пенен раўажланып, сырттан бизиң тынышлығымызды көре алмайтуғын жаўыз нийетли кимселердиң ҳәр түрли иркилери күшейген дәўирде суў ҳәм ҳаўадай зәрүр.

Жумабек Искендеров, Нѳкис Муҳаммад ибн Ахмад ал-Беруний орта арнаўлы ислам билим журты аға оқытыўшысы.