"MUHAMMAD IBN AHMAD AL-BERUNIY” ORTA ARNAWLĺ ISLAM BILIM JURTĺ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eǹ zamanagóy oqıw quralları menen támiyinlengen oqıw xanaları, málimleme-resurs orayı, taháratxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı káriym hám tájwiyd” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları basqarmasınıń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy ornina- orta arnawlı islam bilim jurtında 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıǹ málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli taǹlawlarda qatnasıp joqarı orınlardı iyelep kelmekte.

Рамазан ҳайты шеңберинде «Жасыл мәкан» акциясы өткерилди.

Бүгинги күнде экологиялық машқалалар көплеген мәмлекетлерде глобал темаға айланып үлгерген. Бул, пүткил дүнья жәмийетшилик жәмәәтин ана тәбиятын асыраўға шақырмақта. Мәмлекетимиз басшысы усы бағдардагы басламаны белсендилик пенен шөлкемлестириў артынан елимизде «Жасыл мәкан» улыўма миллий жойбар акциясы әмелге асырылмақта.
     Усы жойбар тийкарында бүгин 31-март күни медресемизде шембилик өткерилди. Онда Қарақалпақстан Республикасы Министрлер Кеңеси баслығының социаллық ҳәм диний шөлкемлер бойынша орынбасары Р.Нуразизов, Қарақалпақстан мусылманлары қазыяты қазысы Б.Разов, мәҳәлле нураныйлары, билим журты педагог-оқытыўшылары ҳәмде талабалар қатнасты.

«Жасыл мәкан» акциясы шеңберинде билим журты әтирапы тазаланып, абаданластыў ҳәм коклемзарластырыў жумыслары алып барылды.
Билим журты әтирапындағы жерлер аўдарылып экологиямыздың еледе жақсыланыўы ушын ҳәр қыйлы мийўели ҳәм декаратив терек нәллери отырғызылды.
Әтирапымыздағы бой жетип турған тереклер ҳәкленип ҳәр қыйлы көринистеги формалар берилип шырай шығарды.

Билим журты баспасөз хызмети