"MUHAMMAD IBN AHMAD AL-BERUNIY” ORTA ARNAWLĺ ISLAM BILIM JURTĺ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eǹ zamanagóy oqıw quralları menen támiyinlengen oqıw xanaları, málimleme-resurs orayı, taháratxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı káriym hám tájwiyd” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları basqarmasınıń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy ornina- orta arnawlı islam bilim jurtında 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıǹ málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli taǹlawlarda qatnasıp joqarı orınlardı iyelep kelmekte.

Тынышлықты сақлаў ҳәммемиздиң ўазыйпамыз атамасында иләж ѳткерилди.

27-март күни Муҳаммад ибн Аҳмад ал-Беруний атындағы ислам билим журтында ѳткерилген иләжға Қарақалпақстан Республикасы Министрлер Кеңеси баслығының социаллық ҳәм диний шөлкемлер бойынша орынбасары Р.Нуразизов, Қарақалпақстан мусылманлары қазыяты қазысы Б.Разов, Билим журты директоры Ж.Абдиразаков ҳәмде педагог-оқытыўшылар менен талабалар қатнасты.

Бүгинги иләжди медресемиз мийманы Р.Нуразизов кирис сѳзи менен ашып берди ҳәмде билим журты жәмәәтин мүбәрек рамазан айы ҳәм киятырған ҳайт байрамы менен қутлықлады.
Жыйналыс даўамында Р.Нуразизов жақын күнлерде сырт еллерде болған ўақыяларды жаўыз нийеттеги инсанлар тәрепинен әмелге асырылғанын буннан бир қанша адамлар жәбир шеккенлиги сондай-ақ, бизиң елимизде де усындай ўақыяларды болдырмаў ҳәм алдын алыў мақсетинде, елимиздеги инсанларды ҳәм келешегимиз болған жасларды ҳәр қыйлы социаллық тармақлар арқалы өзлериниң бузғыншы жаўыз нийетлерин әмелге асырыў мақсетинде ҳәр қыйлы жоллар, қаржылар менен қызықтырып тартпаўы ушын ҳәр бир инсан өзине сақ болыўды, сақлықта қорлық жоқ екенин, жаман иллетлердиң қандай аянышлы ақыбетлерге алып келетуғынлығын басқада жақын инсанларына, досларына ескертиўи керек екенлигин атап ѳтти.