"MUHAMMAD IBN AHMAD AL-BERUNIY” ORTA ARNAWLĺ ISLAM BILIM JURTĺ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eǹ zamanagóy oqıw quralları menen támiyinlengen oqıw xanaları, málimleme-resurs orayı, taháratxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı káriym hám tájwiyd” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları basqarmasınıń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy ornina- orta arnawlı islam bilim jurtında 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıǹ málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli taǹlawlarda qatnasıp joqarı orınlardı iyelep kelmekte.

Bilim jurtında iláj ótkerildi.

Usı jıldıń 15-mart kúni – “Diniy keńpeyillik, xalıqlarara doslıq – biziń bas maqsetimiz” súreni tiykarında ótkerilip atırǵan milletler aralıq tatıwlıq, doslıq hám awızbirshiliktiń áhmiyetin jaslar arasında keńnen jarıtıw maqsetinde usı bilim jurtında is-iláj ótkerildi.
Ilájdi bilim jurtı direktorı J.Abdirazakov kiris sózi menen ashtı hám kelgen miymanlardı qatnasıwshılarǵa tanıstırdı. Ol óz bayanatında mámleketlerde júz berip atırǵan milliy, diniy hám etnikalıq kelispewshilik jaǵdaylar bolıp atırǵanda, biziń elimizde hár qıylı millet wákilleriniń tınısh-tatıw, abadan turmısta ómir súriwi elimizde alıp barılıp atırǵan “Diniy keńpeyillik, xalıqlarara doslıq – biziń bas maqsetimiz” baǵdardaǵı durıs siyasattıń nátiyjesi bolıp esaplanatuǵınlıǵına ayrıqsha atap ótti.

Búgingi iláj miymanımız Din isleri boyınsha Nókis qalalıq bólimi bas qánigesi X.Nezametov “Diniy keńpeyillik, xalıqlarara doslıq – biziń bas maqsetimiz” súreni tiykarındaǵı úgit-násiyatlarǵa toqtap ótti. Miymanımız óz shıǵıwında Qaraqalpaqstan Respublikası Ministrler Keńesi tárepinen ózleriniń minnetdarshılıǵı tiykarında húrmet jarlıǵı hám bir qansha sawǵaların tapsırdı.
Iláj dawamında miymanımız bilimlendiriw tarawınıń rawajlanıwında kóp jıllar xızmet etken nuranıy aǵamız B.Sultanovqa berildi. Ol óz bayanatında Ózbekstan ulıwma úyimiz kóp milletli tatıw xalıq bolıp birgelikte jasap kiyatırǵanlıǵımızdı aytıp ótti.

Iláj sońında bilim jurtımızda bilim alıp atırǵan studentlerimiz kóp milletli mámleket ekenimizdide ózlerınıń saxnalıq kórinisleri hám muzıkalıq esittiriwi menen ózbek, qaraqalpaq, qazaq, túrkmen, tájik, káris, túrk, orıs milletleriniń milliy kiyimleri, muzıkalıq ásbapları menen qatnastı.
Is-ilaj sońında qantasıwshılar ruwhıy dem alıp óz minnetdarshılıqların bildirdi.