Бүгин 06-март күни «Муҳаммад ибн Аҳмад ал-Беруний» орта арнаўлы ислам билим журтында ислам билимлендириў мәкемелерине оқыўға кириў нийетинде болған абитуриентлер ушын таярлық курсы шөлкемлестирилип, оқыў шынығыўлары басланды.

     Иләж даўамында таярлық курсында оқыў нийетин билдирген тыңлаўшылар менен жыйналыс өткерилди. Жыйналыста билим журты директоры Ж.Абдиразаков, билим журты директор орынбасары С.Кудайбергенов, оқыў курсы методисти А.Жийемуратов ҳәм де оқыў курсы оқытыўшылары қатнасты.

Жыйналыста билим журты директоры тәрепинен таярлық курстың мақсети, белгиленген ўазыйпалары ҳаққында мағлыўмат берип өтти.

     Соның менен бирге, тыңлаўшылар тәрепинен әмел етилиўи керек болған мәселелер, атап айтқанда, билим журты ишки тәртип-қағыйдалары, кийиниў мәденияты, оқыў шынығыўларында қатнасыў тәртиби туўрысында да айтып өтилди.

     Жыйналыс соңынан кейин тыңлаўшылар пәнлер шеңберинде группаларға ажыратылып, оқыў шынығыўлары кестеси тийкарында билим журтының тәжирийбели оқытыўшыларына бириктирилди.