"MUHAMMAD IBN AHMAD AL-BERUNIY” ORTA ARNAWLĺ ISLAM BILIM JURTĺ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eǹ zamanagóy oqıw quralları menen támiyinlengen oqıw xanaları, málimleme-resurs orayı, taháratxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı káriym hám tájwiyd” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları basqarmasınıń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy ornina- orta arnawlı islam bilim jurtında 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıǹ málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli taǹlawlarda qatnasıp joqarı orınlardı iyelep kelmekte.

Билим журтында руўхый-ағартыўшылық иләж өткерилди.

Бүгин 04-март күни Нөкис Муҳаммад ибн Аҳмад ал-Беруний орта арнаўлы ислам билим журтында Миллетлераралық татыўлықты беккемлеў, жасларды ўатансүйиўшилик руўхында тәрбиялаў ҳәмде китапқумарлыққа болған қызығыўшылығын арттырыў мақсетинде руўхый-ағартыўшылық иләжи өткерилди.
  Иләжда Нөкис қалалық «Нураный» қоры баслығы К.Календеров, Билимлендириў тараўында көп жыллар хызмет еткен Нураный Б.Султанов, Дин ислери бойынша Нөкис қалалық бөлими бас қәнигеси Х.Незаметов, Республика Руўхыйлық ҳәм ағартыўшылық орайы Нөкис қалалық бөлими қәнигеси Қ.Нуратдинов, Халық депутатлары Нөкис қалалық Қеңеси секторы баслығы Т.Дашекеновлар қатнасты. Мәжилисти билим журты директоры Ж.Абдиразаков кирис сөзи менен ашып берди ҳәм келген мийманларды қатнасыўшыларға таныстырып өтти. Бул жыйналыс Өзбекстан Республикасы Дин ислери бойынша Комитетиниң режеси тийкарында өткерилип атырғанын, сондай-ақ соңғы жыллары ҳүрметли Президентимиз тәрепинен билимлендириўге, илим-пәнди раўажландырыўға ҳәм жаслардың тәрбиясына айрықша итибар қаратылып атырғанын атап өтти. Кейин сөз нәўбети Билимлендириў тараўында көп жыллар хызмет еткен Нураный Б.Султановқа берилди. Ол бүгинги күнде елимизде жүз берип атырған жаңаланыўлар, раўажланыўлар елимиздиң раўажланыў жолын, мәмлекетимизде әмелге асырылып атырған жаңаланыўлар ҳаққында қатнасыўшыларға қысқаша түсиник берди. Күн тәртибиндеги мәселелер бойынша Дин ислери бойынша Нөкис қалалық бөлими бас қәнигеси Х.Незаметов сөзге шығып, елимиздеги соңғы өзгерислер, жетискенликлер, жасларға қаратылып атырған имканиятлар, сондай-ақ усындай руўхый ағартыўшылық иләжлар арқалы жасларда елимизде алып барылып атырған реформалар ҳаққында мағлыўматқа ийе болатынын айтып өтти.