"MUHAMMAD IBN AHMAD AL-BERUNIY” ORTA ARNAWLĺ ISLAM BILIM JURTĺ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eǹ zamanagóy oqıw quralları menen támiyinlengen oqıw xanaları, málimleme-resurs orayı, taháratxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı káriym hám tájwiyd” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları basqarmasınıń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy ornina- orta arnawlı islam bilim jurtında 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıǹ málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli taǹlawlarda qatnasıp joqarı orınlardı iyelep kelmekte.

БИЛИМ ЖУРТЫ ТАЛАБАЛАРЫ ӘСКЕРИЙ ОКРУГИНА САЯХАТ ЕТТИ.

27-феврал күни Нөкис Муҳаммад ибн Аҳмад ал-Беруний орта арнаўлы ислам билим журтының бир топар талабалары қаламызда жайласқан Арқа-батыс әскерий округи Нөкис гарнизонында болып, бул жердеги жаратылған шараятлар ҳәм музей экспонатлары, көргизбелер менен танысты.

      Саяхатдан гөзленген тийкарғы мақсет —  талабалардың бос ўақытларын мазмунлы өткериў, олардын  Ўатанға болған  мухаббатын күшейтиў, сондай-ақ,  ел тынышлығын қорғаўдай уллы кәсипке деген қызыўшылығын  оятыу болып табылады.

      Иләж даўамында Арқа батыс әскерий округи қәнигеси тәрепинен мәмлекетимизде әскерий тараў бойынша қолға киргизилген бир қанша жетискенликлер, Президентимиз тәрепинен әскерлерге берилип атырған имкәниятлар ҳаққында талабаларға бир қанша мағлыўматлар берди.

     Пайғамбарымыз саллаллаҳу алайҳи ўа саллам өз ҳәдисинде:

      Бир кеше-күндиз «рибат» (яғный душпан алдында турып, шегараны қорғаў) бир ай (нәпил) ораза тутқан ҳәм бир ай түнлери турып (нәпил) ибадат қылғаннан жақсырақ», деген екен.

Имам Бухарий рәўияты

     Ҳақыйқаттан да, Елимиздиң қорғаў қудирети жылдан-жылға асып бармақта. Соңғы жылларда әмелдеги қурал-асбаплар ҳәм техникалер жаңаланып, модернизация етилди. Әскерий структуралар искерлиги, әскерий бөлим ҳәм мәкемелер инфраструктурасы жақсыланды.

      Иләж соңында талабалар қәнигелерден өзлерин қызықтырған сораўларға жуўап алды.

     Билим журты баспа сөз хызмети