
Nókis qalası Muhammad ibn Ahmad al-Beruniy orta arnawlı islam bilim jurtı 2023-2024 oqıw jılı ushın ótkeriletuǵın Ashıq sabaq lar kestesine tiykar ustaz Karamatdin Najimatdinov náwbettegi Ashıq sabaǵın talabalar názerine usındı.
Ashıq sabaǵı 26-fevral kúni birinshi para 4 kurs b topar talabalarına Ulumul Quran páni boyınsha ótkerildi. Ótkerilgen bul Ashıq sabaq barısında ekspert sıpatında bilim jurtı direktorı J.Abdirazakov, bilim jurtı Oqıw isleri boyınsha direktor orınbasarı S.Kudaybergenov, Oqıw metodikalıq bólim baslıǵı Ó.Shamuratov, metodist Z.Sagidullaev, oqıtıwshılardan A.Yakupov hám I.Allayarovlar qatnastı hám sabaq barısın analizlep otırdı.
Ashıq sabaqtı ótkeriwden tiykarǵı maqset, bul bilim jurtı oqıtıwshılarınıń tiyisli páni jetiskenligi, talaba jaslardıń sabaq boyınsha elede jańa jańalıqlardan xabardar bolıwı, jańa pedagogikalıq texnologiyalar, sol tiykarda jańa metodlardan paydalanǵan halda sabaq processin puxta tayarlanǵan halda sabaqtı qızıqlı ótkeriw hám usı arqalı sapalı bilim beriwdi engiziwden ibarat. Sabaq juwmaǵında ekspertler tárepinen sabaq barısı, jetiskenlikleri, kemshilikleri, pikir hám usınısları boyınsha talıqlaw ótkerildi. Onda bilim jurtı direktorı J.Abdirazakov sóz alıp, oqıtıwshı K.Najimatdinovtıń jetiskenlikleri, aldaǵı sabaq barısında itibar qaratıwı kerek bolǵan máseleler boyınsha óz pikir usınısların bildirip ótti. Bunnan soń Ashıq sabaq boyınsha bilim jurtı Oqıw isleri boyınsha direktor orınbasarı S.Kudaybergenov, Oqıw metodikalıq bólim baslıǵı Ó.Shamuratov, metodist Z.Sagidullaev, qánigelik páni oqıtıwshıları A.Yakupov, I.Allayarov sabaq barısı boyınsha pikir usınıslar berip ótti. Ekspertler tárepinen oqıtıwshı K.Najimatdinov tárepinen ótkerilgen ashıq sabaq ayrıqsha ótkerildi dep esaplandı