"MUHAMMAD IBN AHMAD AL-BERUNIY” ORTA ARNAWLĺ ISLAM BILIM JURTĺ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eǹ zamanagóy oqıw quralları menen támiyinlengen oqıw xanaları, málimleme-resurs orayı, taháratxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı káriym hám tájwiyd” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları basqarmasınıń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy ornina- orta arnawlı islam bilim jurtında 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıǹ málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli taǹlawlarda qatnasıp joqarı orınlardı iyelep kelmekte.

«Muhammad ibn Ahmad al-Beruniy» orta arnawlı islam bilim jurtında shólkemlestirilip atırǵan tayarlıq kursı haqqında qosimsha mag’liwmat.

📚Tayarlıq kursı 2024-jıl mart ayınan baslanıp 5 ay dawam etedi.

📝Tayarlıq kursı tómendegi pánlerden bolıp ótedi:
— Shet tili (arab tili);
— Ózbekstan tariyxı ;
— Ruwxıylıq hám aǵartıwshılıq tiykarları.

📕Tayarlıq kursına ulıwma bilim beriw mektepleriniń 11-klass oqıwshıları, orta, orta arnawlı, professional bilimlendiriw mákemelerin tamamlaǵanlıǵı haqqındaǵı hújjet (attestat, diplom ) ge iye bolǵan Ózbekstan Respublikası puqaraları qabıl etiledi.

✏️Tayarlıq kursında oqıwshılar tómendegi hújjetlerdi usınıwları kerek:
— bilim jurtı direktorı atına arza ;
— pasport yamasa ID karta nusqası (tiykarı kórsetiledi);
— 3, 5 x4, 5 kólemdegi 4 dana foto súwret (sońǵı 3 ayda alınǵan hám de arqa fonı aq reńde bolıwı talap etiledi).

❗️Bilim jurtı tayarlıq kursında oqıp atırǵan, turar jayǵa mútájligi bolǵan tıńlawshılardı jataqxana menen támiyinlew májbúriyatına iye emes.

🏠 Mánzil: Nókis qalası, Bilimler guzarı kóshesi, 1-a úy. Nókis Muhammad ibn Ahmad al-Beruniy orta arnawlı islam bilim jurtı.

☎️ Telefon: +99890-095-93-93