“Muhammad ibn Ahmad al-Beruniy” orta arnawlı islam bilim jurtınıǹ málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Málimleme resurs orayı (MRO) hám oqıw zallarınıǹ zamanagóy texnika quralları menen tolıq támiyinlengen. Kitaplardıǹ avtorları, baspası, jılınan ibarat kataloglardı júrgiziw jumısları ámelge asırılmaqta.

Bilim jurtınıǹ hár bir oqıtıwshı hám talabalar ushın arnawlı formulyarlar islep shıǵılǵan, oqıtıwshı hám talabalardıǹ málimleme resurs orayı oqıw zalınan paydalanıw boyınsha dápter hám aylıq esabatları formasında monitoring jumısları alıp barılmaqta.

Málimleme resurs orayına jaǹadan kelgen ádebiyatlar menen tanıstırıw jumısları turaqlı túrde ámelge asırılıp kelinbekte.

Arnawlı va ulıwma bilimlendiriw pánlerinen jetispeytuǵın ádebiyatlardı sheshiw boyınsha da nátiyjeli jumıslar ámelge asırılmaqta. Atap aytqanda, arnawlı pánler boyınsha bilim jurtı mudarrisler keǹesiniǹ gezeksiz majilisinde kórip shıǵılıp, oǵan  muwapıq “Muxtasar al viqoya”,  “Durusun navhiya”, “Tahoviy sharhi”, “Bad’ul a’moliy” “Ta’lim mutallim”, “Fiqhul akbar sharhi” kitapların bilim jurtı kóleminde kóbeytiw boyınsha sistemalı jumıslar alıp barılıwı nátiyjesinde arnawlı pánlerge bolǵan talap qanaatlandırıldı.

Ulıwma bilimlendiriw pánleri boyınsha rus tili 70 dana,  XX ásir rus ádebiyatı 30 dana, Ingliz tili V-1, V-2 120 dana, Headway 50 dana, Matematikadan mısal hám máseleler 80 dana, Milliy ǵárezsizlik ideyası 30 dana, Shaxs hám jámiyet 50 dana, Qaraqalpaq tili hám ádebiyatı 100 dana, Ruwxıylıq tiykarları 50 dana, Jáhán tariyxı 70 dana, Ózbekstan tariyxı 50 dana, Dintanıw 67 dana sıyaqlı jetispeytuǵın ádebiyatlar toltırıldı.

Bunnan tısqarı hár túrli temalar hám sabaqlıqlarǵa baylanıslı jámi 333 diskler toplamı bilim jurtınıǹ málimleme resurs orayı esabına alınǵan. 

Atap aytqanda:

— arnawlı pánler jónelisi boyınsha  “Quranı kárim”, “Quran ilimleri”, “Hádis hám turmıs”, “Mabda ul qiroat”, “Tafsiri xilol”, “Al adab al mufrad”, “Ibodati Islamiya”, “Muxtasar al viqoya” diskleri;

— ilimiy-ǵalabalıq jónelisi boyınsha “Hikmatli dunyo”, “Ibratli dunyo”, “Odoblar bo‘stoni”, “Ruxiy tarbiya”, “Ijtimoiy odoblar”, “Ixtiloflar: sabablar yechimlar”, “Haj kitapi”, “Ramazon tuhfasi”, “Zikr ahlidan so‘rang”, “Vasatiya hayot yo‘li”  diskleri;

— diniy ekstremizm hám terrorizmge qarsı gúresiw hám olardıǹ aldın alıwǵa qaratılǵan “Afsun girdobi”, “O‘rgimchak to‘ri”, “Halol o‘g‘rilik”, “Zararli aqidalar”, “Qadriyatlar qadrlangan yurt”, “Osiy qavmlar qismati”, “Odnaklasniki.ru”, “Jasur”, “Fasohat ilmining sultoni”, “Tahdid”, “Aldangan ayol”, “Jaholat changalida”, “Tuzoq”, “Tubanlik” diskleri bar.

Házirgi zaman kompyuter hám internet texnologiyaları ásiri sanaladı. Sonnan kelip shıqqan halda málimleme resurs orayı eǹ soǹǵi markadaǵı 20 zamanagóy kompyuterler bar. Házirgi kúnde internet sistemasına jalǵaw boyınsha jumıslar ámelge asırılmaqta.

Bilim jurtınıǹ Málimleme resurs orayında 22 parta, 25 stul hám 45 kitap tekshesi bar.