MUHAMMMAD IBN AHMAD AL-BERUNIY” ORTA ARNAWLÍ ISLAM BILIM JURTÍ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eń zamanagóy oqıw quralları menen támiyinlengen oqıw xanaları, málimleme-resurs orayı, dáretxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı kárim hám tájwid” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları mákemesiniń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy medresesinde 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıń málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli tańlawlarda qatnasıp joqarı orınlardı iyelep kelmekte.

BILIM JURTÍNDA JAŃA 2025-2026 OQÍW JÍLÍ BASLANDÍ

Búgin 3-sentyabr kúni Muhammad ibn Ahmad al-Beruniy orta arnawlı islam bilim jurtında jańa oqıw jılınıń ashılıw keshesi bolıp ótti.
Búgingi saltanatlı keshege bilim jurtı direktorı basshılıǵında oqıtıwshılar, isshi-xızmetkerler hám talaba jaslar qatnastı. Mámleketlik gimnimiz jańlaǵannan soń saltanatlı ilajdı bilim jurtı direktorı J.Abdirazakov ashıp berdi hám oqıtıwshı hám de talabalardı jaqında ǵana ótkerilgen Ǵárezsizligimizdiń 34-jıllıq bayramı hámde baslanıp atırǵan jańa oqıw jılı menen qutlıqlap, talabalarǵa ilim-bilim alıwda kúsh-ǵayrat hám tabıslar tiledi.
Kesheden soń topar basshıları ózlerine biriktirilgen kurs talabaların óz toparlarına alıp kirip, Ózbekstan musılmanlar basqarması tárepinen usınıs etilgen baǵdarlama tiykarında tayarlanǵan "Watan ushın, millet ushın, xalıq ushın!" uranı astında «Ǵárezsizlik sabaǵın» ótkerdi.
Sonday-aq, sabaqta sońǵı jılları elimizde ámelge asırılıp atırǵan keń kólemli reformalar, diniy-aǵartıwshılıq tarawda erisilgen nátiyjeler, unamlı ózgerisler ayrıqsha atap ótildi.