
15-mart kúni paytaxtımız Nókis qalasında Nawrız ulıwma xalıqlıq bayramı aldınan qala hákimliginiń baslaması tiykarında «Taza qala» akciyası joqarı shólkemleskenlik penen baslandı.
Elimiz boylap dawam etip atırǵan «Jasıl mákan» súreni tiykarında ótkerilip atırǵan abadanlastırıw hám kóklemzarlastırıw ilajlarına Muhammad ibn Ahmad al-Beruniy orta arnaӯlı islam bilim jurtınıń oqıtıwshı xızmetkerleri hám talaba-jaslarınan ibarat adamlar belsene qatnastı.
Akciya qatnasıwshıları bilim jurtı aymaǵında qorshaǵan ortalıqtı shıǵındı hám jabayı shóplerden tazalaw, jap-salmalardıń boyların, egislik jerlerdi nál egiwge tayarlaw, dekarativ tereklerdiń túplerin háklew sıyaqlı jumıslardı alıp bardı.
Bilim jurtı baspasóz xızmeti