MUHAMMMAD IBN AHMAD AL-BERUNIY” ORTA ARNAWLÍ ISLAM BILIM JURTÍ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eń zamanagóy oqıw quralları menen támiyinlengen oqıw xanaları, málimleme-resurs orayı, dáretxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı kárim hám tájwid” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları mákemesiniń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy medresesinde 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıń málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli tańlawlarda qatnasıp joqarı orınlardı iyelep kelmekte.

NAMAZDA BIRINSHI SAPTA TURIWDIӉ PAZÍYLETI HAQQÍNDA

Ábiw Dawıt rahimahullahtan ráwiyat qılınadı: Payǵambar alayhissalam: «Saplarıӊızdı bir-birine tiygizip turıӊ. Saplardıӊ arasın bir-birine jaqın qılıӊ, boylarıӊız da teӊ tursın. Allahqa ant iship aytaman, men shaytannıӊ qozıday bolıp, saplardıӊ arasında júrgenin kóremen» dedi.  Bul hádiste saplardıӊ arasın ashıq qılmaw, eger ashıq jer turǵan bolsa, dárhal onı toltırıw kerekligi uqtırılıp atır.

Basqa bir hádiste bolsa: «Saplarıӊızdıӊ tegisleӊ. Jelkeleriӊizdi de tegis uslaӊ. Bos jerlerdi qaldırmaӊ. Kim saptaǵı ashıq jerdi toltırsa, saptı qossa, Allah taala da sol bende menen arasın jaqınlastıradı. Kim bir saptı úzse, Allah taala da onıӊ menen baylanıstı úzedi» degen. Imam Ahmad hám Imam Ábiw Dawıt ráwiyatı;

Demek, hádislerdiӊ mazmunınan meshitte namazxanaǵa namaz oqıw ushın kelgen waqtımızda, parız namazına iqamat aytılǵan waqıtta saptıӊ arasında bos jerdi kórseӊiz, sol jerdi toltırıp alıw kerek ekeni hám qasıӊızǵa saptı toltırıw ushın kelgen adamǵa qarata qopal mámile de bolmaw kerekligin bilip alsaq boladı.

Payǵambarımız alayhissalam: «Perishteler Allah taalanıӊ aldında sap tartqanday sapqa turmaysız ba? dedi. Ya Allahtıӊ Rasulı, perishteler qanday sapqa diziledi? dep soradı sahabalar. Sonda Payǵambar alayhissalam: «Birinshi saptı toltıradı hám bir tegis bolıp turadı» dedi. Imam Muslim hám Imam Ábiw Dawıt ráwiyatı;

Saplardıӊ arasın toltırıwǵa, baylanıstırıwǵa háreket qılǵanlarǵa Allah taala hám perishteler salawat aytadı. Bul haqqında Aysha anamızdan ráwiyat qılınǵan hádiste: «Rasulullah sallallahu alayhi wa sallam: «Allah taala hám perishteler saplardı toltırǵan hám olardıӊ arasın baylanıstırǵan insanlarǵa salawat aytadı», dedi. Imam Ahmad hám Imam Mája ráwiyatı;

Kim shaytan kirip alıwı múmkin bolǵan, saptaǵı ashıq jerdi tossa, baylasa, Allah taala da onıӊ mártebesin joqarı dárejelerge kóterip qoyadı hám qılǵan gúnaların maǵfirat qıladı. Bul haqqında Payǵambar alayhissalam óziniӊ hádisi sháriyfleriniӊ birinde: «Insannıӊ saptı toltırıw maqsetinde aldıǵa basqan adımınan kóre, sawabı ullı adım joq» degen. Imam Bazzar ráwiyatı;

Allah taala bárshelerimizdi usınday ullı sawaplı islerdi qılıwǵa mıyassar áylesin!

Muhammad ibn Ahmad al-Beruniy orta arnawlı islam bilim jurtı oqıtıwshısı Haytmurat Erejepov