MUHAMMMAD IBN AHMAD AL-BERUNIY” ORTA ARNAWLÍ ISLAM BILIM JURTÍ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eń zamanagóy oqıw quralları menen támiyinlengen oqıw xanaları, málimleme-resurs orayı, dáretxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı kárim hám tájwid” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları mákemesiniń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy medresesinde 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıń málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli tańlawlarda qatnasıp joqarı orınlardı iyelep kelmekte.

Islamda sawda hám isbilermenlikti rawajlandırıw boyınsha ushırasıw boldı.

Islamda sawda hám isbilermenlikti rawajlandırıw boyınsha ushırasıw boldı.

2024-jıl 25-aprel kúni Ózbekstan xalıqaralıq islam akademiyasınıń Islam enciklopediyası bólim baslıǵı, ekonomika ilimleriniń doktorı, akademik N.Tuxliev, Ózbekstan xalıqaralıq islam akademiyası “Islam ekonomika hám finansı, ziyarat turizimi” kafedrası professorı, ekonomika ilimleriniń doktorı R.Abdullaevlar menen ushırasıw keshesi bolıp ótti.
Ushırasıwǵa Ózbekstan xalıqaralıq islam akademiyası janındaǵı qánigelik arttırıw orayınıń Qaraqalpaqstan Respublikası aymaqlıq filialına qánigeligin arttırıw ushın Xorezm wálayatı hámde Qaraqalpaqstan Respublikası aymaǵınan kelgen imam-xatib hám imam-nayıblar, bilim jurtı pedagog-oqıtıwshılar hámde talabalar qatnastı.
Bul ushırasıw keshesin Muhammad ibn Ahmad al-Beruniy orta arnawlı islam bilim jurtı direktorı J.Abdirazakov alıp bardı.

Búgingi ushırasıwdaǵı miymanımız N.Tuxliev óz bayanatında islamda sawda satıqtı, respublikamızda isbilermeklik penen ishki turizmdi belgili ziyaratlaw orınlarında sayaxatlar shólkemlestiriw, ishki turizmdi rawajlandırıp adamlar ruwxıy mádeniy dep alıp jasaw kerekliginde aytıp ótti.
R.Abdullaevta óz gezeginde Islam dininde sawdanıń áhmiyeti hám tutqan ornı oǵada úlken boladı. Tómendegi tarıyxıy bólim bunıń ayqın kórinisi. Rasululloh (s.a.w) Madinai Munawwaraǵa zıyarat qılıp barǵanında dáslep meshit qurdırǵan bolsa, ekinshi jumısı ol jerde musılmanlar ushın sawda orayları bazar shólkemlestiriw boldı. Bul wakıya islam tarıyxında ataqlı bolıp tabıladı. Sonı názerde tutqan halda aytıwımız múmkin, islamda xadal sawda menen shuǵıllanıw áhmiyetli ámelleriniń biri ekenliginde eskertti.
Ushrasıw sońında búgingi miymanlar bilim jurtı jámáátine kitaplar sawǵa etti.
Ilájda qatnasıwshılar ózlerine qızıqtırǵan sorawların berip tiyisli juwaplar menen juwmaqlandı.

Bilim jurtı baspasóz xızmeti