Ассалаўма алейкум

ѲЗБЕКСТАН МУСЫЛМАНЛАРЫ БАСҚАРМАСЫ

“МУҲАММАД ИБН АҲМАД АЛ-БЕРУНИЙ”

орта арнаўлы ислам билим журтының рәсмий веб-сайтына хош келдиңиз

Елимизде Ғәрезсизлигимиз шарапаты менен зия ҳәм мәрипат ошағы болған мешит ҳәм медреселер өз жумысын баслап, халқымыздың руўхый тәрептен болған мүтәжликлерине мүнәсиб тәризде хызмет етип киятыр. ...

Диний кеңпейиллик мазмунындағы ушырасыў болды

253
04 Май 2021

Ислам дини ǝзел-ǝзелден инсаниятқа мириўбетти, ҳǝтте ѳзге дин ўǝкиллерине ҳүрмет-иззет пенен мүнǝсибетте болыўды үйретип келген. Ислам дини ѳзинен алдынғы динлерди (яхудийлик, христианлық) тек ғана ҳүрмет етиў менен шекленбей, сол дин ўǝкиллерине шексиз мириўбет кѳрсеткен. Олардың ҳуқық ҳǝм миннетлемелерин нызам менен беккемлеп қойған. Мǝденият ҳǝм салт-дǝстүрлерине ҳүрмет пенен қаралған. Әсирлер даўамында бул қағыйдаларға ǝмел етип жасаған мусылманлар бир-бирине, ҳǝтте бирге жасап атырған басқа миллет ўǝкиллерине, мусылманлар үлкесинде жасайтуғын ѳзге дин ўǝкиллерине де меҳир-мириўбет кѳрсетип, пүткил инсаниятқа үлги болды.

Кѳплеген ҳǝдиси-шǝрифлер ҳǝм аятларда ѳзгелерге шырайлы мǝмиле етиўге шақырады. Ислам дини раўажланған дǝўирде басқа дин ўǝкиллерине кѳрсетилген инсаныйлық мүнǝсибет буның айқын дǝлили болып табылады.

Ислам дини басқа дин ўǝкиллериниң тирилерин ҳүрмет етиў менен шекленип қалмай, олардың ѳлилерине де ҳүрмет кѳрсетти. “Саҳиҳи Бухарий” де Жобир разияллаху анхудан тѳмендеги ўақыя рǝўият етиледи: “Бир күни алдымыздан бир жаназа ѳтти. Сонда Нǝбий алайҳиссалам бул жаназа ушын орнынан турды ҳǝм бизлер де орнымыздан турдық. Бизлер: “Я Расуллаҳ, бул яхудийдиң жаназасы!” дедик. Сонда Нǝбий саллаллаҳу алайҳи ўа саллам: “Қашан жаназаны кѳрсеңиз, орныңыздан турың!” деди”.

Елимизде миллетлер аралық татыўлық, диний кеңпейиллик қатнасықлары бойынша бир қанша унамлы ислер ǝмелге асырылмақта. Мине солардың бири 2-май күни “Love Your Neighbor” (жақыныңды жақсы кѳр) атлы халықаралық шѳлкемниң тийкарын салыўшы Америка Қурама Штаты пуқарасы Вэйд Кьюзак республикамызда мийманда болып, пайтахтымыздағы «Имам ийшан Муҳаммад» жоме мешитинде Қарақалпақстан мусылманлары қазыяты қазысы Ш.Бауатдинов ҳǝм район бас имамлары менен ушырасты. Ушырасыў даўамында республикамыздағы диний тараўда алып барылып атырған жумыслар, басқа дин ўǝкиллери менен дослық қатнасықлар ҳǝм диний кеңпейиллик бойынша пикир алысыў болды. Мийман Вэйд Кьюзак ушырасыўдан сондай-ақ, диний кеңпейиллик мазмунындағы исленип атырған жумыслардан қанаатланғанлығы, унамлы тǝсирлер алғаны ҳаққында ѳзиниң пикир ҳǝм усынысларын билдирди.

Қарақалпақстан мусылманлары қазыяты.

Дерек: paziylet.uz


  • Автор: Админ
  • 04 Май 2021
  • 0
  • 8

Жеке пикир

Ҳикметлер гүлдәстеси