Ассалаўма алейкум

ѲЗБЕКСТАН МУСЫЛМАНЛАРЫ БАСҚАРМАСЫ

“МУҲАММАД ИБН АҲМАД АЛ-БЕРУНИЙ”

орта арнаўлы ислам билим журтының рәсмий веб-сайтына хош келдиңиз

Елимизде Ғәрезсизлигимиз шарапаты менен зия ҳәм мәрипат ошағы болған мешит ҳәм медреселер өз жумысын баслап, халқымыздың руўхый тәрептен болған мүтәжликлерине мүнәсиб тәризде хызмет етип киятыр. ...

Хабарландырыў

252
22 Апрел 2021

Ассаламу алайкум ҳүрметли каналымыз ағзалары

мешитлердеги жума намазлары ашық майданда оқылады!

Елимиздеги карантин жағдайларға байланыслы мешитлеримиздиң ишинде жума намазын, тараўиҳ намазларын оқыў ўақытша тоқтатылғаны менен, жума күни қылынатуғын саўаплы әмеллер тоқтаған жоқ, әзизлер. Карантин ўақтында мешит ишинде тараўиҳ, жума намазларын оқый алмасақ та, мешит ҳәўлисинде отырып-ақ ибадат қылыўға имканият бар. Буның ушын өзлериңиз бенен жайнамазларыңызды алып келиўиңиздиң өзи жетерли!!!

Соның менен бирге Жума намазына ерте, иләжи барынша пияда барыў жума күниниң әдеплеринен. Нәбий саллаллаҳу алайҳи ўасаллам былай деди:

" ...үш каффарат болыўшы әмел бар: Сол үш әмелдиң биреўи жәмәәт намазларына пияда барыў".

Демек, мешит тәрепке қарай ҳәр бир басқан қәдемимиз бенен гүналарымыз кешириледи әзизлер! Солай екен жума күни намазханлар көликлерин үйлерине яки мешиттен алыслаў жерлерге қойып келсе, мешитлер жанындағы көлик туратуғын орынларға да өзимиз сыяқлы басқа намазханлар жайнамазларын төсеп, көбирек жумаға қатнасыўшыларға имканият жаратқан боламыз.

Себеби, әзелден ата-бабаларымыз "Көп тилеги қабыл" деп бийкар айтпаған. Бул дегени жума намазда көпшилик болып, елимиздиң аманшылығын, журтымыз тынышлығын, бул сынаўлы күнлерди басымыздан тез көтериўи ушын дуўа етип сорасақ, Аллаҳ таала дәргайында қабыл болады, иншааллаҳ.

Аллаҳ дуўаларымызды, тилеклеримизди қабыл етсин!


  • Автор: Админ
  • 22 Апрел 2021
  • 0
  • 39

Жеке пикир

Ҳикметлер гүлдәстеси