Ассалаўма алейкум

ѲЗБЕКСТАН МУСЫЛМАНЛАРЫ БАСҚАРМАСЫ

“МУҲАММАД ИБН АҲМАД АЛ-БЕРУНИЙ”

орта арнаўлы ислам билим журтының рәсмий веб-сайтына хош келдиңиз

Елимизде Ғәрезсизлигимиз шарапаты менен зия ҳәм мәрипат ошағы болған мешит ҳәм медреселер өз жумысын баслап, халқымыздың руўхый тәрептен болған мүтәжликлерине мүнәсиб тәризде хызмет етип киятыр. ...

Билим журтында Устазлар күни белгиленди

24
29 Сентябрь 2018

Устаз дегенде хәр бир инсанның кеўилинде терең хүрмет-иззет ҳәм жүдә кең миннетдаршылық сезимлери, соның менен бирге ҳеш қандай байлық пенен өлшенбейтуғын қарыздарлық сезимлери пайда болады. Бул дүньяда анаңыздай- мехрибан, атаңыздай ғамхор ҳәр бириңиз ушын қайғырып сизди әлпешлейтуғын уллы инсан бул устазлар. Бул уллы инсанды халғымыз әзелден хүрметлеген, мине усылардан келип шыққан халда усы жылдың 28-сентябрь күни Нөкис Муҳаммад ибн Аҳмад ал-Беруний орта арнаўлы ислам билим журты мәжлислер залында 1-октябрь «Оқытыўшы ҳәм тәрбияшылар» күни улыума халықлық байрамына арналған кеше өткерилди.

Байрамана кешеге билим журты директоры, бәрше оқытыўшылар ҳәм талабалар қатнасты.

Кешени билим журты директоры Ш.Баўатдинов ашып берди, билим журты руўхыйлық ислери бойынша директор орынбасары алып барды. Тадбир даўамында билим журтымыз профессор оқытыўшыларымыз бирме-бир сөзге шығып Ўатанымызда билимлендириў саласында болып атырған кең көлемли реформалар ҳәм устазларға көрсетилип атырған ғамхорлықлар хаққында кең көлемде айтып өтти. Соң өз гезегинде билим журтымыз талабалары өзлериниң устазларын инглис, рус, қазақ, тәжик, өзбек ҳәм қарақалпақ тиллеринде қутлықлап, кеўил кеширмелерин косық қатарлары менен баянлап берди.

Соның менен бирге кешемиз билим журты талабалары тәрепинен таярланған нашид ҳәм салаўатлар менен даўам етирилди.

Бул күни билим журты устаз оқытыўшылары ушын болған және бир саўға Қарақалпақстан Республикасы Халық билимлендириў министрлиги тәрепинен билим журтыны бес оқытыўшысына берилген “қарақалпақстанреспубликасыхалықбилимлендириўағласы” көкирекнышаны болды.

Байрам кешеси даўамында бәрше оқытыўшы устазлар ҳәм талабалар тәрепинен кең көлемли пикирлер айтылып кеше жудә мазмунға бай ҳәм хош кейпиетте өз жуўмағын тапты.


  • Автор: Админ
  • 29 Сентябрь 2018
  • 0
  • 1227

Жеке пикир

Ҳикметлер гүлдәстеси