Ассалаўма алейкум

ѲЗБЕКСТАН МУСЫЛМАНЛАРЫ БАСҚАРМАСЫ

“МУҲАММАД ИБН АҲМАД АЛ-БЕРУНИЙ”

орта арнаўлы ислам билим журтының рәсмий веб-сайтына хош келдиңиз

Елимизде Ғәрезсизлигимиз шарапаты менен зия ҳәм мәрипат ошағы болған мешит ҳәм медреселер өз жумысын баслап, халқымыздың руўхый тәрептен болған мүтәжликлерине мүнәсиб тәризде хызмет етип киятыр. ...

Билим журтымызда жаңа оқыў жылы басланды

34
02 Сентябрь 2020

Бәршемизге мәлим усы жылдың 02-сентябрь күнинен баслап бәрше тәлим бағдарлары сыяқлы Муҳаммад ибн Аҳмад ал-Беруний орта арнаўлы ислам билим журтында да 2020-2021 оқыў жылыда баслап алды.

Таңғы саат 07-30 да билим журты оқытыўышы ҳәм исши хизметкерлер менен бирге карантин қағыйдаларына әмел еткен ҳалда билим журты директоры тәрепинен мәжлис өткерилди.

Өткерилген мәжлис Қураны кәрим тилаўәти менен басланды ҳәм устазымыз тәрепинен дуўалар қылынды.

2020-2021 оқыў жылы алдымызда турған актыўал мәселелер, режелер белгилеп алынды. Жаӊа оқыў жылы әдеттегидей мәмлекетимиз гимни ҳәм Ғәрессизлик сабағы менен басланатын еди. Сол тийкарында билим журты оқытыўшылары тәрепинен ҳәр бир топарда биринши сабақлықларды усы тийкарда баслаў бойынша тапсырма берилди.

Жаңа 2020-2021-оқыў жылының басланыўына бағышланған илажлар онлайн тәризде өткерилди.

«Сен – қүдирет дереги, бахыт мәканы, жанажан Өзбекстаным!» ураны тийкарында шөлкемлестирилген Ғәрезсизлик сабағы үлкен көтериңкилик руўхында өткерилди. Илажға билим журты оқытыўшылары, жоқарғы курс талабалары қатнасты.

«Zoom» платформасы арқалы шөлкемлестирилген онлайн илажды билим журты руўхыйлық ислери бойынша директор орынбасары А.Ережепов ашып берди ҳәм басқарып барды. Ол өз сөзинде ең уллы ҳәм ең әзиз байрам – Ғәрезсизлигимиздиң 29 жыллығы, сондай-ақ, Билимлер күни, жаңа 2020-2021-оқыў жылының басланыўы менен илаж қатнасыўшыларын қызғын қутлықлады, жаңа оқыў жылындағы жаңа қәдемлерге табыслар тиледи.

Сабақта ғәрезсизлик жылларына шекемги болған дәўир. Бүгингидей тынышлық ҳәм парахатшылығымыздың қәдирине жетиў, терең билим алып, елимиздиң дүньяның раўажланған мәмлекетлер қатарынан беккем орын алыўына мүнәсип үлес қосыў кереклиги атап өтилди.

Дүньяда даўам етип атырған бүгингидей пандемия шараятында оқыў процессиниң үзликсизлигин тәмийинлеў және талабаларымыздыӊ билим алыўын методикалық жақтан қоллап-қуўатлаў мақсетинде Нөкис Муҳаммад ибн Аҳмад ал Беруний орта арнаўлы ислам билим журтында жаңа 2020-2021-оқыў жылы жоқарғы курслар ушын аралықтан онлайн оқытыў тәризинде басланды.

Жаңа оқыў жылының басланыўына бағышланған басқа да илажлар онлайн тәризде билим журтымыз көлеминде даўам етпекте.

Нөкис Муҳаммад ибн Аҳмад ал Беруний

орта арнаўлы ислам билим журты

руўҳыйлық ҳәм ағартыўшылық ислери

бойынша директор орынбасары

Адилбай Ережепов


  • Автор: Админ
  • 02 Сентябрь 2020
  • 0
  • 374

Жеке пикир

Ҳикметлер гүлдәстеси