Ассалаўма алейкум

ѲЗБЕКСТАН МУСЫЛМАНЛАРЫ БАСҚАРМАСЫ

“МУҲАММАД ИБН АҲМАД АЛ-БЕРУНИЙ”

орта арнаўлы ислам билим журтының рәсмий веб-сайтына хош келдиңиз

Елимизде Ғәрезсизлигимиз шарапаты менен зия ҳәм мәрипат ошағы болған мешит ҳәм медреселер өз жумысын баслап, халқымыздың руўхый тәрептен болған мүтәжликлерине мүнәсиб тәризде хызмет етип киятыр. ...

ҲЕШ НӘРСЕНИ ҚАЙҒЫРМА!

423
06 Май 2021

Усы биреўге өкпелеп, ишимизге кек сақлағаннан не таптық?

“Неге сөйте қоймайды?”, “Неге түсинбейди?”, “Неге айтқыза береди?”, “Неге мени ойламайды?”, “Неге араласады?..”

Неге?

Неге?

Питпейтуғын “неге"лер өмиримизде толып кеткен жоқ па?

Қәне, бир итибар берип қараң.

Кимге өкпелеп жүрипсиз?

Неге қапа болып жүрипсиз?

Өмирден әдалатсызлық көрдиң бе? Ямаса кимдур ҳақыңды жеп, зулым қылды ма?

Ҳәй, умытып жибер ҳәммесин!

Ҳеш ким ҳеш нәрсеге айыплы емес. Сен күтип жүрген нәрсени ойлап та көрмеген ямаса ойласа да қыла алмаған СОЛ БИР АДАМ айыплы емес. Еситтиңиз бе? Сен ойлағандай бола алмаған ол да, олардан соншелли көп жақсылық күткен сен де айыплы емессең.

Ҳеш ким ҳеш кимге миннетли емес. Тек...

Биз геўдесинде жудырықтай ЖҮРЕГИ БАР, сезими бар адам болғаннан соң бир-биримизге жақсылық қыламыз, биримизди биримиз излеп, қоллап, жарылқап, демеп жүремиз. Буннан бир жақсылық қайтыўын күтпеймиз.

Бир нәрсе анық: сол ҳадаллығымыз, сол бир пәк нийетимиз бир күни үлкен қуўаныш болып алдымыздан шығады. Бир күни жемисин береди. Сонлықтан ҳеш нәрсени қайғырма!

Нөкис Муҳаммад ибн Аҳмад ал-Беруний
орта арнаўлы ислам билим журты
оқытыўшысы Б.Абдираманов


  • Автор: Админ
  • 06 Май 2021
  • 0
  • 34

Жеке пикир

Ҳикметлер гүлдәстеси