Ассалаўма алейкум

ѲЗБЕКСТАН МУСЫЛМАНЛАРЫ БАСҚАРМАСЫ

“МУҲАММАД ИБН АҲМАД АЛ-БЕРУНИЙ”

орта арнаўлы ислам билим журтының рәсмий веб-сайтына хош келдиңиз

Елимизде Ғәрезсизлигимиз шарапаты менен зия ҳәм мәрипат ошағы болған мешит ҳәм медреселер өз жумысын баслап, халқымыздың руўхый тәрептен болған мүтәжликлерине мүнәсиб тәризде хызмет етип киятыр. ...

Зәкатты бериў – Аллаҳ тааланың буйрығы

417
28 Апрел 2021

Зәкат – имканияты бар болған мусылман адамға Аллаҳ таала тәрепинен буйырылған муқаддес ўазыйпа болып есапланады. Мусылман адам зәкат ибадатын орынлар екен, экономикалық мәмилеге емес, илаҳый көрсетпеге көре шәрий ибадат қылған есапланады.

Төмендеги аяты кәрийма зәкат бериў парыз екенлигине дәлил есапланады:

«Мал-мүлклеринен оларды ол себепли пәклеўиңиз ушын ҳәм тазалаўыңыз ушын садақа алың…» (Тәўбе сүреси, 103-аят).

Басқа бир аяты кәриймада байлар бир бөлек малларын камбағалларға бериўи парыз қылынған. Аллаҳ таала мынандай дейди:

«(тапқан) мал-мүликлеринде (ажыратылған) мәлим ҳақ бар болып, (ол) тиленши ҳәм бийшаралар ушын» (Маъариж сүреси, 24-25-аят).

Зәкат бай ҳәм камбағалды бир-бирине жақынластырады, бай адам жәрдем бериў муҳаббаты менен жасайды, ал камбағал байға муҳаббат ҳәм ҳүрмет сезимин сезеди ҳәм қызғаншақлық, көреалмаслық ортадан көтериледи.

Қураны кәриймде Аллаҳ таала мынандай деп айтады:

“(Ҳәй мөминлер) Намазды кәмил оқың, зәкатты бериң ҳәм пайғамбарға бойсының. Қәнекей, (сонда) рейим қылынсаңыз” (Нур сүреси, 56-аят).

Зәкат – бул қайырхомлық емес, ол байдың мойнындағы жуўапкершилик, ўазыйпа. Бай адам зәкат ибадатын орынлаўға мәжбүр ҳәм мүтәж есапланады. Әбиў Ҳурайра разыяллаҳу анҳудан рәўият қылынған ҳәдисте Пайғамбарымыз саллаллаҳу алайҳи ўа саллам мине усындай мәнистеги гәпти айтқан:

“Егер зәкатты берсеңиз, расында, мойныңыздағы (ўазыйпа)ны орынлапсыз”, деген. (Имам Ҳәким, Имам Байҳақий рәўияты).

Имам Әбиў Ҳамид Ғаззалий раҳимаҳуллаҳ айтады: “Аллаҳ таала Өз бендесине жан неъматын ҳәм мал неъматын берген. Дене ибадатлары жан неъматының шүкирлиги. Қаржылай ибадатлар мал неъматының шүкрлиги болып есапланады”.

Нөкис Муҳаммад ибн Аҳмад ал-Беруний
орта арнаўлы ислам билим журты
оқытыўшысы А.Якупов


  • Автор: Админ
  • 28 Апрел 2021
  • 0
  • 20

Жеке пикир

Ҳикметлер гүлдәстеси