Ассалаўма алейкум

ѲЗБЕКСТАН МУСЫЛМАНЛАРЫ БАСҚАРМАСЫ

“МУҲАММАД ИБН АҲМАД АЛ-БЕРУНИЙ”

орта арнаўлы ислам билим журтының рәсмий веб-сайтына хош келдиңиз

Елимизде Ғәрезсизлигимиз шарапаты менен зия ҳәм мәрипат ошағы болған мешит ҳәм медреселер өз жумысын баслап, халқымыздың руўхый тәрептен болған мүтәжликлерине мүнәсиб тәризде хызмет етип киятыр. ...

Сергеклик — дәўир талабы

273
13 Октябрь 2020

Биз күнделикли турмысымызды руўхый байлығымыз болған ғалаба хабар қуралларынан радио еситтириў,телекѳрсетиўлер,сондай ақ газета-журналлар менен бир қатарда китап басылымларысыз да кѳз алдымызға келтире алмаймыз. Мәҳәлледе ҳаял-қызлардыӊ мәнаўий дүньясын байытыўда берилген хабар ҳәм жаӊалықлардан пайдаланып жәрдем бериў, ҳәр бир шаӊарақта саламат турмыс тәрзиниӊ қәлиплесиўинде,жас әўлад тәрбиясы бағдарында кеӊ кѳлемли түсиник жумысларын алып барыў еӊ тийкарғы ўазыйпаларымыздан саналады.

Миллий қадриятларымызды, халқымыздыӊ басынан кеширген ҳәр қандай қыйыншылықларға қарамастан бүгинги күнге жетип келген муқаддес динимиздиӊ қәдир-қымбатын,мазмун-мақсетин мәҳәллелерде,әсиресе ҳаял-қызлар, жас ѳспиримлер санасына сиӊдириўде белсендилик кѳрсетиўи зәрүр.

Себеби айырым бузғыншы ағымлар ѳзлериниӊ сум нийетлерин әмелге асырыў ушын дыққатларын биринши гезекте жаслар ҳәм ҳаялларға қаратады. Сонлықтанда ғәрезгѳйлердиӊ пикирин әшкара ететуғын пикир,олардыӊ идеясына қарсы идея менен, ал наданлығына мәрипат пенен қарсы турыў лазым.

Ғалабалық мәденият сыяқлы мәнаўий ҳүжим барған сайын ҳәўиж алып атырған бүгинги күнде жасларымыз атап айтқанда,ҳаял-қызларға халқымыздыӊ мәденияты,миллий үрп-әдет салт дәстүрлеримиз,диний қадриятларымызды кеӊнен үгит-нәсиялаўымыз дәркар.Буныӊ ушын ҳәр биримизден күшли билим ҳәм тәжирийбе талап етиледи. Миссионерлик бузғыншы ағым тәсиринен,ғалабалық мәденияттыӊ тәсиринен сергек болыўды ҳәр бир шаӊарақ ағзаларына анық мысаллар менен түсиндириўимиз шәрт.Миссонерлер еӊ дәслеп жаслар менен ҳаял-қызларды,соныӊ ишинде жумыссыз жүргенлерди, айырым турмыстан қыйналған, ѳзин қайғыға жеӊдирген ҳаялларды ағымына тартып,қурбанына айналдырмақта.

Әсиресе муқаддес динимизден жақсы хабардар болмаған әпиўайы, тәжирийбесиз адамларды ѳз ағымына тартыўға ҳәрекет етеди.Санасында идеологиялық бослыққа орын қалдырмаўымыз шәрт. Буныӊ ушын арамыздағы дыққаттан шетте қалған айырым ҳаял-қызлардыӊ жағдайларынан хабардар болып, оларды кеӊ жәмийетшиликке тартыў. Егерде зәрүр болса жумыс пенен тәмийнлениўине дыққат қаратыў,қандайда бир ѳнермент устаға шәкирт болып, ѳнер үйренсе келешекке исеним менен жасайды.Меҳир қойып,ықлас пенен үйренген жумыстыӊ наны қалыӊ,ҳадал болады, бос ўақыт дегенниӊ не екенинде билмейди. Солай екен, ҳәр бир шаӊарақ бийкелери санасында бослыққа орын қалмай, унамлы ислер менен бәнт болса, еӊ тийкарғы нәтийжеге ерисери анық.Себебе шаӊарақта ана билимли,илимли, ѳнерли болса, тәрбиялаған перзентлериде Ана-Ўатанына садық,қәлби пәк, халқымыз абаданшылығы жолында мүнәсип перзентлер болып жетилиседи.

Нѳкис Муҳаммад ибн Аҳмад ал Беруний орта арнаўлы ислам билим журты оқытыўшысы А.Садиков


  • Автор: Админ
  • 13 Октябрь 2020
  • 0
  • 27

Жеке пикир

Ҳикметлер гүлдәстеси